رقصني يا جدع ... على نهر النيل

بالمصري الفصيح

البوست بتاع النهارضه حاجه مختلفه أوي أوي، لإننا بنتكلم عن أم الدنيا وأرض النيل والأهرامات والحضاره الفرعونيه و و و... حاجات سمعنا عنها كتير، وإصص إتأثرَنا فيها من الأفلام .. لكن التجربه حاجه مختلفه تماما! و أخيراً حصلت المعجزه وسافرت لأرض مصر الحبيبه علشان أعيش سحر كل الحاجات الجميله دي

فعلأ، في حاجه غريبه في مصر بتخليك تعشقها جداً، بس مش عارف إيه؟ يمكن التاريخ الجميل المكتوب على كل حته وكل شارع وكل عماره في القاهره؟ أو يمكن الناس وبساطتهم؟ لإنه ما فيش أي حواجز.. خُش على طول ودردش وإضحك! بالرغم من أوضاع سياسيه مهببه، وفقر منيّل بستين نيله، بس كله مبسوط وطيب أوي...فعلاً أحسن ناس! أو يمكن جمال النيل وسحره، او عظمة الأهرام وأبو الهول اللي بتختلف تماما في أرض الواقع، وروعة الآثار الفرعونيه؟ على فكره أنا رحت المتحف المصري وإتبهدلت السبع بهادل لإني أصرّيت إنه أصوّر بعض الآثار دي، والتصوير هناك مش مسموح أبدا، وكانو حايخدو مني الكاميرا أكتر من مره لإنهم أصلاً ماعرفوش أنا دخلتها إزاي، ها ها ها

عالعموم أنا فعلأ مش عارف أبتدي منين وأروح فين، قصص كتيره أوي، وأيام من أحلى الرحلات في حياتي، دنا من كتر ما كنت مبسوط، كان نفسي أمشي في كل حته وأغني: رقصني يا جدع على وحده ونص... وقبل ما أسيبكم مع شوية صور، عاوز أقول لكل من: زين، سيم وعمرو، نصوح، سلمى،أونكل راشد وطنت نيني، ياسمين وتيمور، علي و محمود و عُمر... عاوز أقولكم ربنا إيخليم ليّا يارب، لأنه رحلتي ماكانتش حتكون بالروعه دي من غير وجودكم فيها وفي حياتي، وأنا بحبكم أوي أوي أوي من كل قلبي

طبعا كان المفروض إنه الكلام ده يكون بصوتي، علشان تعرفوا إني بتكلم مصري كويس أوي، بس خلينا إنشوف حضارتكم حتقرأوه إزَاي :-) سلامو عليكو بأى